Olga Vocal Ensemble

Olga Vocal Ensemble í samstarfi við Iðnó ætla að samtvinna tvo hluti sem gefa hvað mesta hamingju í lífinu; mat og tónlist.
Komdu og upplifðu einstaka kvöldstund þar sem strákarnir í Olgu bera fram ljúffengar máltíðir ásamt því að flytja lög af nýju dagskránni sinni, "The Good Ol´ Days". Þar má heyra slagara frá Hauki Morthens, Jóni Nordal, Edith Piaff og Glen Miller. 

Olga Vocal Ensemble færir gleði og hamingju. Gleði og hamingju, sem Olga vill deila með heiminum. Þessir fimm ungu menn eru tilbúnir til að sigra hvert hjarta með kraftmiklum og fallegum söng ásamt einstakri framkomu. Olga fer nýjar leiðir í að nálgast gamlar hefðir.  Með einlægri framkomu sinni sameinar hún eldmóð og kímnigáfu í leikrænni tjáningu sem hentar öllum aldurshópum.

Efnisskrá Olgu hefur vakið athygli fyrir óhefðbundna uppbyggingu, þar sem áhrifamikil klassísk tónlist mætir vinsælum dægurlögum – allt frá íslenskum drykkjuvísum frá miðöldum, til angurværra tóna hinna gömlu góðu daga. Hljómurinn sem einkennir Olgu sameinar alla tónlist í eina heild með mjög áhrifaríkum hætti.  

Olga leit fyrst dagsins ljós árið 2012 í tónlistarskóla HKU í Utrecht, Hollandi. Hún býr svo sannarlega yfir alþjóðlegum anda en meðlimir hennar eru af hollensku, íslensku og rússnesku bergi brotnu. Þau verk sem hún flytur eru frá fjölmörgum löndum, og eru eins mismunandi og þau eru mörg. Ferill Olgu er sannarlega glæsilegur en hún á nú þegar að baki ótal tónleika á Íslandi sem og erlendis. Frá upphafi hefur hún reglulega farið til Íslands á tónleikaferðalag. Til gamans má geta hefur hún haft það að sið að bjóða Olgum á tónleika 
an endurgjalds og mættu í eitt skipti 13 Olgur á tónleika. Olgumenn tóku upp sinn fyrsta geisladisk árið 2014. Þeir hafa setið námskeið hjá Paul Phoenix, sem áður var í The King's Singers, og ættleiddu rauðan ketil sem lukkudýr, en hann gengur undir nafninu Ketill Olguson.

Flytjendur eru Bjarni Guðmundsson, tenór, Jonathan Ploeg, tenór, Gulian van Nierop, baritón, Pétur Oddbergur Heimisson, bass-baritón, Philip Barkhudarov, bassi.

Tónleikarnir verða haldnir þann 21. og 27. júlí.

Matseðill

Súpa

Graskers- & lauksúpa með sýrðum rjóma og ricotta

Forréttur

Heitreyktur lax með salati, fetakurli og piparrótakremi

Aðalréttur

Kjúklingabrjóst með rósmarín, sítrónu og ristuðum kartöfluteningum

Ábætir

Dökk súkkulaðiterta með sjávarsalti og karamellu

Kr.11.900.-

Ásta Ólafsdóttir opnar sýningar í Menningarhúsinu Iðnó og Gallerí Gesti 19. júní kl. 14. Myndirnar sem Ásta sýnir nú er unnar á pappír með Gouache- og vatnslitum. 

Ásta, sem kom fram á sjónarsviðið í upphafi níunda áratugarins, hefur unni með fjölbreyttann efnivið og í margvíslega miðla, svo sem video, skúlptúr og hljóð. Ásta er menntuð bæði hér heima og í Jan van Eyck akademíunni í Hollandi. Hún á að baki farsælann feril í myndlist og á verk á helstu söfnum landsins. Ásta hefur haldið á þriðja tug einkasýninga og tekið þátt í fjölmörgum samsýningum hér heima og erlendis.

Galleri Gestur er taska sem Dr. Magnús Gestsson hefur állt með sér og opnar hvar sem hann drepur niður fæti. Á sýningartímabilinu verður Galleri Gestur í Iðnó á hverjum fimmtudegi kl. 15 - 18. 

Sýning Ástu er sú fyrsta í röð fimm sýninga sem G.ERLA – Guðrún Erla Geirsdóttir skipuleggur í samvinu við Gallerí Gest og Menningarhúsið Iðnó í tilefni af 100 ára afmæli kosningaréttar kvenna. Þær sem sýna síðar eru: Rúna Þorkelsdóttir, Harpa Björnsdóttir, Margrét Jónsdóttir (málari) og Guðrún Sigríður Haraldsdóttir. Listakonurnar eiga það sameiginlegt að vera fæddar í kringum miðja síðustu öld. Þær voru að stíga sín fyrstu skref í myndlistinni er önnur bylgja femíninsmans var farinn að hafa þau áhrif að konur töldu fullvíst að þær kæmust til vegs og virðinga ekki síður en karlarnir. Sýningaröðin nefnist ARGINTÆTUR Í MYNDLIST. Í stuttri útgáfu er sagan um Argintætu svo: Kerling nokkur, svarkur og orðhákur, var kölluð Argintæta. Með því að bera út skáldaðar sögur kom hún sér alls staðar út úr húsi. Aðeins umkomulaus stúlka lét kæsni kellu ekki á sig fá. Kom hún oft til Argintætu, sem sagði henni sögur. Argintæta arfleiddi hana að öllu sínu. Arfurinn nægði til að koma stúlkunni til mennta og naut hún síðar hylli fólks.

beebee&thebluebirds

Í tilefni af útgáfu fyrstu plötu hljómsveitarinnar Beebee and the bluebirds, munu þau halda tónleika í IÐNÓ, þann 24. júní. En hljómsveitin DALÍ mun byrja á því að leika nokkur lög.

Plötunni hefur verið mjög vel tekið og hér eru brot út dómum:

"Burning Heart," which is sultry soul, over a jazz arrangement, for a sound that might remind American audiences of classic Roberta Flack, or Mavis Staples. The smoldering rhythm and blues of "Russian Roulette" is another gem, with a very evocative guitar solo. "Red Forest" shows how her continued studies and affection for jazz have broadened the band's sound, as it is groove-based midtempo jazz tune, where Jonsson's electric piano really stands out." - Jay Miller, The Patriot Ledger

"Excellent combination of jazz, blues and soul, catchy compositions and a great voice Brynhildur are just some of the ingredients undoubted talent Beebee and the Bluebirds...
....In terms of the level and composition of their quality, vocal and instrumental " Burning Heart "weapons in an excellent manner. This is a charming album, recorded with the full knowledge of every sound contained therein. Therefore, I listen to it with pleasure, without removing it from the player for a few days" - Marcin Kozicki, muzykaislandzka.pl

Beebee and the bluebirds:

Brynhildur Oddsdóttir - Söngur, Rafmagnsgítar
Tómas Jónsson - Píanó/Rhodes
Brynjar Páll Björnsson - Bassi 
Ásmundur Jóhannsson - Trommur

Áður en þau stíga á stokk mun hin frábæra hljómsveit DALÍ taka nokkur lög. En þau gáfu út sína fyrstu smáskífu á dögunum hana má hlusta á hér:
https://www.youtube.com/watch?v=NQftS3kLUAQ

Erla Stefánsdóttir - Söngur, Bassi
Helgi Reynir Jónsson - Rafmagnsgítar
Fúsi Óttars - Trommur 

Miðaverð: 2500 kr
Platan verður einnig til sölu á staðnum.

Eldri viðburðir

Veröld sem var

Tónleikar í Iðnó sunnudaginn 31. mai 2015 Kl. 17.00 – 18.30

Danstónlist og óperettur frá gullöld Vínarborgar verða á dagskrá næstkomandi sunnudag 31. mai í Iðnó og hefjast tónleikarnir klukkan 17:00.

Marius Sverrisson söngvari og gamanleikari ( Spamalot, Þjóðleikhúsinu ) heldur í tónleikaferð til Vinarborgar í byrjun júní þar sem hann mun halda tvenna tónleika með tónlist frá gullöld Vínarborgar. Í því tilefni ætlar Marius að taka forskot á sæluna með tónleikum í Iðnó næstkomandi sunnudag ásamt  Antoniu Hevesi á píanó, Matthíasi Stefánssyni á fiðlu og sópransönkonuni Hönnu Björk Guðjónsdóttur.

Á efnisskránni verða gullfalleg danslög og aríur eftir : F. Lehár, J.Strauss, R.Stolz svo einhverjir höfundar séu nefndir.

Miðasala er við innganginn og er miðaverð aðeins 2500 Kr. 

heimilistonar

Heimilistónar

Hið árlega Heimilistónaball verður haldið í Iðnó þann 9. Maí.

Heimilistónar er skipuð þjóðþekktum og hæfileikaríkum, en umfram allt gríðarlega skemmtilegum einstaklingum, allt konum.  Þær sérhæfa sig í erlendum lögum frá seinni hluta 20. aldarinnar, gullaldarára rokksins á 5. og 6 áratugs þeirra aldar.  Heimilistónar leggja á það megináherslu að þýða texta laganna eins nákvæmlega og hægt er. Glæsilega framkoma þeirra í ofanálag gerir dansleiki þeirra algerlega  einstaka.  Hljómsveitina skipa

- Ólafía Hrönn Jónsdóttir
- Katla Margrét Þorgeirsdóttir
- Elva Ósk Ólafsdóttir
- Vigdís Gunnarsdóttir
- Ragnhildur Gísladóttir

Þegar grannt er skoðað sést að allar eru stúlkurnar hagvanar á sviði og þá aðallega leiklistarsviðinu.  Þeim er þó greinilega fleira til lista lagt og er miil tilhlökkun í  hópnum að spila í  Iðnó.

Húsið opnar 22 og hægt er að kaupa miða í síma 5629700

tenor

Annar Tenór

Sjá, ég boða yður mikinn fögnuð!

Annar tenór – en samt sá sami?

Það var haustið 2003 sem leiksýningin Tenórinn eftir Guðmund Ólafsson kom fyrst á fjalirnar í Iðnó. Sýningin hlaut mikið lof, ekki bara áhorfenda heldur líka gagnrýnenda, sem sögðu meðal annars aðTenórinn væri „besta íslenska sýningin sem ég hef séð um árabil.“ og að „lafhægt væri að pissa á sig af hlátri á Tenórnum“. Næstu árin fóru þeir Guðmundur, í hlutverki Tenórsins, og Sigursveinn Magnússon, í gerfi Undirleikarans geðprúða, vítt um land og sýndu leikritið við mikinn fögnuð. Síðast tróðu þeir upp með verkið haustið 2013 í Iðnó og héldu þar uppá tíu ára afmæli sýningarinnar.

En nú á aldeilis að bæta um betur því Guðmundur hefur skrifaðframhaldsverk um þá félaga, sem heitir Annar Tenór og gerist rúmum ellefu árum eftir að fyrra verkið átti sér stað. Eins og gefur að skilja hefur ýmislegt drifið á daga þeirra á þessum rúma áratug sem liðinn er frá því þeir hittust síðast og aðstæður hins alþjóðlega tenórs hafa gjörbreyst.

Þeir hittast á sviðinu í Iðnó þar sem Undirleikarinn er að undirbúa sig fyrir tónleika þar sem ungur og efnilegur tenórsöngvari ætlar að spreyta sig. Þarna er líka ung, velmeinandi kona, sem sér um tæknimál hússins, sem alheimssöngvaranum finnast nú ekki merkileg.

Að sjálfsögðu er verkið svo stútfullt af tónlist, allt frá dægurlögum til óperuaría.

Leikendur eru Guðmundur Ólafsson, Sigursveinn Magnússon og Aðalbjörg Þóra Árnadóttir. Leikstjóri María Sigurðardóttir.

Til að geta nú rennt mjúklega inn í hið nýja verk þá verður (gamli)Tenórinn sýndur nokkrum sinnum um mánaðarmótin janúar – febrúar og Annar Tenór síðan frumsýndur 28. febrúar og að sjálfsögðu í Iðnó.